من الامثال الشعبية العراقية
اخذ شورك من راس ثورك
يضرب المثل لذوي الفعل الضعيف والراي الغير صحيح يحكى ان امرأه كان لها ثور صغير تربيه وتعتني به يوم دخل الثور الى المطبخ وادخل راسه في الپستوگه(جرة) حارت المراءه في امرها وذهبت الى الملا(المشايخ) تستشيره فيما تفعل فجاء الملا معها الى البيت وفحص الامر بنفسه وأخذ سكينه حاده وأخذ راس الثور وذبحه وسقط راسه داخل البستوكه وقال اعطوني يده هاون وضرب البستوكه وكسرها واخرج راس الثور المذبوح فصاحت المرأه وبكت وصادف مجيئ زوجها وسألها عن سبب بكائها فقالت اذا كنت تريد ان تعرف ماذا حصل اخذ الشور من راس الثور
ويقال ايضا انه صاحبة الثور استدعت العارفة وكانت تدعى ام احمد وفعلت نفس الفعل حتى قال اهل الامثال بيت الدارمي ( يم احمد العريف گولي أشعرفتي؟؟ گصيتي راس الثور والحب كسرتي) بدل البستوگة كان الحب
اللي ياخذ الشور من راس الثور هو شبيه الثور او ثور مكعب والصحيح هو العمل بقوله تعالى ( و اسألوا اهل الذكر ان كنتم لا تعلمون) و ( فوق كل ذي علم عليم ) بس جيب اللي يفهم النصيحه وما يعاشر النطيحه ويعرف قيمة النصيحة ومكانة الناصح لكن من يتقبل هذه الأيام النصيحة الناصحه الخالصه لوجه الله ويتجرد من عناده وغروره وكبريائه الخاوي ويتخلى عن كلمات وعبارات يرددها مثل الببغاء ويعطي لنفسه قيمة اعلى مما تستحق ويظن بنفسه الظنون مثل ما گال ابو المثل تعال فهم احمد اغا
حتى الاغبياء بعض الأحيان تخرج افكار صحيحه منهم والمثل يضرب لا تقصر بالاستشاره حتى من الاغبياء فعسى ولعل ينبهوك على فكره لم تفطن لها والقرار الاخيره يظل عليك
ليست هناك تعليقات:
إرسال تعليق